सातारा, दि. 13 - डिसेंबर २०१८या महिन्यात इंडिया आर्ट खुला आसमान तर्फे घेण्यात आलेल्या भव्य देशव्यापी चित्रकला स्पर्धेत देशातून लाखो विद्यार्थ्यांनी सहभाग घेतला होता .या स्पर्धेत आपल्या न्यू इंग्लिश स्कूल सातारा या शाळेची कु.श्रीया किरण प्रभुणे (8वी ब )या विद्यार्थिनीने सहभाग घेतला होता. या स्पर्धेच्या प्राप्त निकालानुसार 289 विद्यार्थ्यांच्या चित्रांची निवड देशपातळीवर करण्यात आली. यात तिच्या चित्राची निवड झाली आणि या चित्रांमधून फक्त आठ चित्रांची निवड गोल्ड मेडल साठी करण्यात आली. या विद्यार्थ्यांना देशपातळीवर गोल्ड मेडल देऊन गौरवण्यात आले आहे. त्यामध्ये आपल्या महाराष्ट्र राज्यातून एकमेव कु . श्रीया किरण प्रभुणे हिच्या चित्राला गोल्ड मेडल मिळालेला आहे.

आपल्या न्यू इंग्लिश स्कूल सातारा या शाळेला श्रीया ने बहुमान मिळवून दिलेला आहे श्रीया या नावाप्रमाणे शाळेसाठी अनेक वेळा सुयश मिळवून दिलेले आहे .त्याबद्दल तिचे सामाजिक ,शैक्षणिक क्षेत्रातून व पालक वर्गातून अभिनंदन व कौतुक करण्यात येत आहे तसेच शालामाऊली तर्फे हार्दिक अभिनंदन करण्यात आले .

तसेच श्रीयाच्या या उज्वल यशाबद्दल तिचे व मार्गदर्शक कलाशिक्षक घनश्याम नवले व संदीप माळी यांचे शालेय समितीचे अध्यक्ष अमित कुलकर्णी सदस्य शाळा समिती अनंत जोशी ,डॉ. मधुसूदन मुजुमदार, शालाप्रमुख सौ स्नेहल कुलकर्णी, उपशाखाप्रमुख दिलीप कांबळे ,पर्यवेक्षक दिलीप रावडे ,पर्यवेक्षिका सौ लता दळवी व नीलम तिरमारे व सर्व शिक्षक यांनी अभिनंदन केले .