सातारा, दि.१५- लोकसभा निवडणूकीच्या पार्श्वभूमीवर निरीक्षक राज्य उत्पादन शुल्क, भरारी पथक सातारा विभागाने 2 लाख 6 हजार 411 रुपयांचा मुद्देमाल जप्त केला असल्याची माहिती अधिक्षक राज्य उत्पादन शुल्क स्नेहलता श्रीकर यांनी दिली.

यामध्ये हणमंतवाडी ता. फलटण येथे बेकायदा हातभट्टी दारु वाहतूक व विक्रीवर छापे टाकून दोन दुचाकी वाहने व हातभट्टी दारुचा एकूण 47850/- रुपये किमतीचा मुद्देमाल जप्त करण्यात आला. या कारवाईमध्ये मोहन उत्तम पाटोळे, रा. धर्मपुरी ता. माळशिरस जि. सोलापूर, गोरख भानुदास चव्हाण गुरसाळे ता. माळशीरस जि. सोलापूर यांना अटक करण्यात आली आहे. तर खंडाळा येथे बेकायदा गोवा बनावट विदेशी दारु वाहतूक पकडून चारचाकी वाहनासह गोवा बनावट विदेशी दारुचा एकूण 158560/- रुपये किमतीचा मुद्देमाल जप्त करण्यात येऊन अज्ञाता विरुध्द गुन्हा नोंद करण्यात आला आहे.

या कारवाई मध्ये प्रभारी निरीक्षक एस.डी. शिलेवंत, नितीन शिंदे, नितीन जाधव, सचिन खडे, अजित रसाळ, आर.एन.अवघडे, महेश मोहिते, जिवन शिर्के, अरुण जाधव, सागर साबळे यांनी भाग घेतला. पुढील तपास एस. डी. शिलेवंत हे करीत आहेत.